#ԼԱՎԱԳՈՒՅՆՂԵԿԱՎԱՐՆԵՐԸ , ՈՐՈՆՑ ՇՆՈՐՀԻՎ ԱՇԽԱՐՀԸ ՓՈԽՎԵՑ ԴԵՊԻ ԼԱՎԸ
Ֆորդ մոթոր ընկերության հիմնադիր
Հենրի Ֆորդը հայտնի է որպես տեխնոլոգիական զարգացման հանճար, ինչպես նաև ժողովրդական հերոս։ Հենրի Ֆորդն հանդես եկավ ավտոմատացման արդյունաբերության մեջ որպես ստեղծագործ մտքի ուժ։ Իր նորարարությունները փոխեցին իր պետության՝ ԱՄՆ-ի և ամբողջ աշխարհի տնտեսական ու սոցիալական բնութագիրը։ Ֆորդը զարկ տվեց Տ մոդելի ավտոմեքենայի զանգվածային արտադրությունը ու վաճառեց այն այնպիսի գնով, որով միջին աշխատավարձ ստացող մարդը կարող էր իրեն թույլ տար։ Զանգվածային արտադրության մեջ հավաքական աշխատուժի կիրառմամբ Ֆորդը կարողացավ փող և ժամանակ խնայել և ամերիկյան հանրությանը առաջարկել ավելի մեծ թվով մեքենաներ դեռևս չլսված առավել ցածր գնով։ 1908թ․ մինչև 1927թ․ ընկած ժամանակահատվածում Ֆորդը վաճառեց ավելի քան տասնհինգ միլիոն Տ մոդելի ավտոմեքենա։
Բացի այդ, նշանավոր բարերար Ֆորդը հիմնեց Գրինֆիլդ գյուղը, մի խումբ պատմական շինություններ և զարկ տվեց Միչիգան Նահանգի Դիրբորնում մի շարք տեսարժան վայրերի կառուցմանը: Նա նաև հիմնադրեց Հենրի Ֆորդի թանգարանը և Ֆորդի հիմնադրամը:
Հենրի Ֆորդի խոսքերը․
Որակ նշանակում է, երբ դու ամենինչ ճիշտ ես անում, երբ ոչ ոք քեզ չի նայում:
Բիզնեսը, որը փողից բացի ոչ մի արդյունք չի տալիս, կոչվում է վատորակ բիզնես:
Պատմությունը քիչ թե շատ անհեթեթություն է։ Այն ավանդույթ է։ Մենք ավանդույթ չենք ուզում։ Մենք ուզում ենք ապրել ներկայում և միակ պատմությունը, որն արժանի է ուշադրության, այն պատմությունն է, որ կերտում ենք հենց այսօր։
Իդեալիստն այն մարդն է, ով օգնում է այլ մարդիկ ապրել բարեկեցիկ:
Փոփոխությունը միշտ չէ, որ առաջընթաց է… Նորության տենդն ամենուր շփոթում են առաջընթացի ոգու հետ:
Ամեն ինչից առաջ պատրաստ լինելը հաջողության գաղտնիքն է:
Այն, ինչ մենք անվանում ենք չարիք, պարզապես տգիտություն է, որը խփում է իր գլուխը պատին մթության մեջ:
Երբ բոլորը միասին առաջ են շարժվում, ապա հաջողությունն ինքն է հոգ տանում իր մասին:
Ես չեմ կարող բացահայտել, արդյոք որևէ մեկը բավականաչափ գիտի, թե որն է հնարավոր և որն է անհնարինը։
Մարդկանց մեծ մասը ծախսում է ավելի շատ ժամանակ և էներգիա առաջացած խնդիրների շուրջ իր մտորումների,
քան դրանց լուծում տալու փորձերի վրա:
Հարստությունը, ինչպես երջանկությունը, երբեք չի ձեռքբերվում ուղղակի փնտրման արդյունքում։ Այն գալիս է անուղղակի կերպով՝ օգտակար ծառայության մատուցման արդյունքում:
Հաջողակ կյանքի ողջ գաղտնիքը պարզելն է, թե որն է ձեր ճակատագրական առաքելությունը, իսկ հետո անել դա:
Դուք չեք կարող ձեր հեղինակություն կառուցել միայն այն բանի վրա, թե ինչ եք պատրաստվում անել։
Կյանքը փորձությունների մի շարք է, որոնցից յուրաքանչյուրը մեզ ավելի զորեղ է դարձնում, թեև դժվար է այդ գիտակցության գալ: Աշխարհը կառուցված է մարդու խառնվածքը կերտելու համար, և պետք է սովորեք, որ անհաջողությունները և վշտերը, որոնք մենք տանում ենք, օգնում են մեզ առաջ գնալու հարցում:
No comments:
Post a Comment