Կայացավ գոլֆի մրցաշարը։ Հաղթողը ստացավ դրամական մեծ մրցանակ։ Երջանիկ մրցանակակիրը պատրաստվում էր տուն գնալ, սակայն ակումբից մի փոքր հեռու նրան մոտեցավ մի կին և խնդրեց նրա շահած գումարից մի փոքր հանգանակություն։ Այդ կինն այնքան դժբախտ տեսք ուներ, որ սպորտսմենը կանգ առավ և լսեց նրա ամբողջ պատմությունը։ Պարզվեց, որ նրա որդին ծանր հիվանդ է, և վերջինիս անհրաժեշտ է բարդ ու թանկարժեք վիրահատություն, իսկ դրամական միջոցներ չկան։ Մրցանակակրին մինչև հոգու խորքը հուզեց այդ պատմությունը, և վերջինս այդ կնոջը հանձնեց իր ամբողջ դրամական պարգևը՝ որդուն բուժելու նպատակով։
Մի քանի օր անց նա վերադարձավ գոլֆի ակումբ, որտեղ նա պատմեց դժբախտ կնոջ պատմությունն ընկերներին։
- Ցավում ենք ընկեր, դու ընկել ես այդ ստախոսի ծուղակը։ Նա ամեն ինչ հորինել է, որ քո գումարը ստանա: Ցավոք, նա այդպիսի բաներ արել է բազմաթիվ անգամներ, - բարձրաձայնեցին ընկերները։
- Ուրեմն հիվանդ երեխա չկա՞,- հարցրեց մրցանակակիրը։
-Ոչ, - բացականչեցին ընկերները։
- Փառք Աստծո, սա այս շաբաթվա լավագույն նորությունն է, - ժպիտով պատասխանեց մրցանակակիրը։
Բարոյախրատականը
Միշտ կարելի է ցանկացած բարդ վիճակ դիտարկել միայն դրական տեսանկյունից։
No comments:
Post a Comment