Մի տիրակալ սարսափելի երազ է տեսավ, որում իր բոլոր ատամները հերթով թափվեցին։ Մեծ անհանգստությամբ վերջինս իր մոտ կանչեց երազների մեկնաբանին, որն անհանգիստ լսեց երազը և ասաց. «Տեր, ես տխուր լուր ունեմ քեզ հայտնելու։ Դու իրար հետևից կորցնելու ես քո բոլոր հարազատներին։
Այս խոսքերը տիրակալի մոտ զայրույթ առաջացրեցին։ Նա հրամայեց, որ երազի մեկնաբանին բանտ գցեն և մեկ ուրիշ մեկնաբանի կանչեն։
<<Ուրախ լուր ունեմ Ձեզ հայտնելու․ դուք ավելի երկար եք ապրելու քան ձեր հարազատները>>, - ժպիտով ասած երկրորդ մեկնաբանը։
Տիրակալը մեծ հիացմունք ապրեց և առատաձեռնորեն պարգևատրեց նրան այս գուշակության համար։ Պալատականները շատ զարմացան։
<<Դու նրան նույն բանն ասեցիր, ինչ՝ առաջին մեկնաբանը, իսկ ինչպե՞ս եղավ, որ վերջինս պատժվեց, իսկ դու պարգևատրվեցիր>>, - հարցրեցին երկրորդ մեկնաբանին նրանք։
<<Երկուսս էլ երազը մեկնաբանեցինք նույն կերպ, սակայն ամեն ինչ կախված է ոչ թե նրանից, թե ինչ ասել, այլ ինչպես ասել>> պատասխանեց երկրորդ մեկնաբանը։
No comments:
Post a Comment